சுற்றூலா

 GJÆDRUM to. Våringfoss Våringfoss 

இலை அரும்பும் காலம்

 பெரும்பாலும் நோர்வே நாட்டில் சித்திரை கடந்ததுமே மே மாதம் தமிழுக்கு மேழம் அல்லது மேடம் இலை அரும்பத்தொடங்கிவிடும். மழைத்தூறல்கள் மரங்களின் மீதி துளிகளைத் தூவவில்லை என்றால் பலருக்கு இடரைக் கொடுத்துவிடும். கண், தோல் நோய்கள் ஏற்பட்டுவிடும். இவ்வாண்டு எல்லோருக்கும் மிகவும் சிறப்பு எனலாம்.

ஆம்,2022

புலம்பெயந்த புல்லாங்குழல்கள்

 நான் சொல்லவருவது என்னவென்றால்:)

தமீழப்போராட்டம்  பதினொரு ஆண்டுக்ளுக்குப்பின் பின்னடையக கரணியம் புலம்பெயர் குமுகச்செயற்பாட்டாளரிடம் இருக்கும் உண்மையற்ற நிலையே!!!

புல்லாங்குழலின் வஞ்சகம்

தமிழரின் பாரம்பரியத்தில் உருவான புல்லாங்குழல் காடும் காடுசார்ந்த கண்ணனிடம் மிகவும் கவரக்கூடிய விதத்தில் அமைந்திருந்தது. அப்புல்லாங்குழல் பாரதப்போரில் பலரைப் பிரிக்கவும் அழிக்கவும் பயன்பட்டது.

வன்முழவுகள் வல்லாயுதங்கள் சிறந்த போர்த்தபதிகள் சிங்கம் போன்ற அற்புதச்செய்லோன் புலிபோன்ற கன்னன் இத்தனைபேர் இருந்தும் சகுனியால் எப்படி எப்படி வெல்ல முடிந்தது கண்ணனால் எப்படி வெல்லமுடிந்தது. ஆம் இசைக்கு மயங்காதவர் யாருமிலர் அதனால் கண்ணன் தன் புல்லாங்குழலால் அனைத்தையும் வென்றான்.

தம்மினத்தை அழிப்பதற்கு சிங்களவர் தமிழரின் ஆசையைத்தான் தெரிவு செய்தார். புலிப்ப்டை வீரர் விதிவிலக்கா என்ன. முதலில் தெரிவு செய்த இடம் நோர்வேயும் தெரிவுசெய்யப்பட்டோர் நோர்வேத் தமிழ் அரசியல் அன்னக்காவடிகளும் தான்

தொடரும்.....

Norges tamil liv (துருவத்தில் தமிழர் வாழ்வு)

இலைகொட்டும் காலம்

 Spiterstulen Turisthytte

அனுசரணை வழங்கியவர் சாந்தக்குமார்

நன்றி.

மதியம் நண்பகல் நான்காம்திகதி கன்னி மாதம் ஐப்பசி எனது பயணம் தொடங்கியது. 

Gjerdrum - Holter - Maura  - Nannestad  - Gjøvik  - Lillehammer - Hammer - Oyer - Otta og Lom 

எனது மின்னிவசந்தம் தோட்டத்திலிருந்து தொடங்கி இயற்கையின் உச்சி மலைவரை இலை அர்ப்பணிப்புக் காலத்தின் அழகை அளப்பதே நோக்கு.

காக்கை குருவி 

    எங்கள் ஜாதி

நீள்கடலும் மலையும் 

    எங்கள் கூட்டம்

நோக்கும் திசையெலாம் 

     நாமன்றி வேறில்லை

நோக்க நோக்க களியாட்டம்

என

வெற்றிப்பேரிகை எழுப்புகிறான் ஞானச்சித்தன் பாரதி. அவனைத்தொடர்ந்து நானும் நானும் கூத்தாடினேன்

சக்தியின் கூத்து ஒளியாவது போல் பாரதியின் கூத்து மொழியாவது போல் எனது கூத்தும் எண்ணங்களின் இழைகளாக எண்ணற்ற மின்கம்பிகளை இணைத்தபடி மின்சாரம் பாய்கிறது. என் எண்ணத்திலிருந்தும் ஓட்டத்திலிருந்தும் ஒரு புதிய மின்கலத்தை நானே எனக்காக உருவாக்குகிறேன் அதுவுமே பராசத்தியின் கூத்தல்லவா

இருளாற்றலை ஒளியாற்றல் கவ்விச்சிறு காதல் செய்யலாமே அன்றி இருள்பருப்பொருளாற்றலை அடைவதென்பது இயலாதது. 

ஒன்று 

இன்னுமொன்றை 

அடைவதற்குள் 

அது 

வேறு ஒன்றை 

அடைந்திருக்கும்.

இப்படியாகத்தான் 

அவனும் நானும் 

அவளும் நானும் 

அவனும் அவளும்

ஒளியும் இருளும்

     'தமிழ்ச்சுடர்'

    - கடம்பதாசன் -

தொடர்ந்து நிற்காமல் அறிவுமூப்பன் ஞானக்கலியின் தலைச்சன்

வானில் பறக்கின்ற புள்ளெலாம் நான்,

மண்ணில் திரியும் விலங்கெலாம் நான்;

கானில் வளரும் மரமெலாம் நான்,

காற்றும் புனலும் கடலுமே நான்

விண்ணில் தெரிகின்ற மீனெலாம் நான்,

வெட்ட வெளியின் விரிவெலாம் நான்;

மண்ணில்கிடக்கும் புழுவெலாம் நான்,

வாரியினுள் உயிரெலாம் நான்,

கம்பனிசைத்த கவியெலாம் நான்,

காருகர் தீட்டும் உரவெலாம் நான்;

இம்பர் வியக்கின்ற மாட கூடம்

எழில்நகர் கோபுரம் யாவுமே நான்,

இன்னிசை மாதரிசையுளேன் நான்,

இன்பத்திரள்கள் அனைத்துமே நான்;

புன்னிலை மாந்தர்தம் பொய்யெலாம் நான்,

பொறையருந் துன்பப் புணர்ப்பெலாம் நான்.

மந்திரங்கோடி இயக்குவோன் நான்,

இயங்கு பொருளின் இயல்பெலாம் நான்;

தந்திரங் கோடி சமைத்துளோன் நான்.

சாத்திர வேதங்கள் சாற்றினோன் நான்.

அண்டங்கள் யாவையும் ஆக்கினோன் நான்,

அவை பிழையாமே சுழற்றுவோன் நான்,

கண்டல் சக்திக் கணமெலாம் நான்

காரணமாகிக் கதித்துளோன் நான்.

நானெனும் பொய்யை நடத்துவோன் நான்,

ஞானச் சுடர்வானில் செல்லுவோன் நான்;

ஆனபொருள்கள் அனைத்தினும் ஒன்றாய்

அறிவாய் விளங்குமுதற்சோதி நான்

தொடர்ந்து வருக, இப்படியாக

இரவுப்பொழுதாகிறது Otta அல்லது ஒத்தாவை அடைய இரவாகிவிட்டது தோராயமாக ஒன்பது மணி

சூரியனை விட்டு புவி ஆண்டுக்கு ஆறுமாதம் தள்ளி விலகிச் சுற்றுகிறாள் போலும். அவளும் பெரியாரின் சுயமரியாதைக்காரியோ! சூரியனின் காலடி என்றதும் தொழமறுத்த காரணத்தாலோ ஊடலில்  அவளின் உடையே சிவப்பும் மஞ்சளுமாய் ஒளியின் வாட்டத்தி்ல் மாறிவிட்டது. ஒளிக்கு ஒளியூட்டும் காலம்  ஒளிக்குச்சத்தி ஊட்டும் காலம் இதுவே சத்தியானந்தம்  ஆனந்த சக்தி

அடைமழைக்காலம் 

 மழையைப் போற்றுதூஉம்; மழையைப் போற்றுதூஉம்

ஒத்தாவிலிருந்து உலூமை அடைய இரவு  பத்துமணி

இரவு+இ

இரவியின் வரவுக்கு மலைகள் காத்துக்கிடக்கின்றன

இங்கு

மலைகள் இருளாக இருளும் மலைகளாக வெளிச்சம் வாடியதால் மலைகளும் வாடிக்கிடக்கிறது இருளில் இருந்து   விடுதலையை பெற்றுக்கொடுக்க. கிரேக்கருக்கும் யூதருக்கும் ஈராக்கியருக்கும் அகத்தியர் கலத்துக்கும் சக்தி போதவில்லை. தெசுலாவும் சக்தி ஊட்டத்தில் சத்தியாக்கிரகத்தை மேற்கொண்டாலும் முதலாளித்துவம் இருளாக்கியே வைத்திருக்கிறது. 

ஆற்றின் கரையோரம் அலாதியாகத் தூங்கியெழுந்து காலை ஆறுமணிக்கெல்லாம் மலையடிவாரத்திலிருந்து ஒருமணிநேரம் ஊர்தியில் செலவளித்து தங்குமிடத்தை அடைந்து ஆனந்தமாக சத்தியை ஊட்டினேன்.

கூடாரப்படுக்கையில் உறங்கி தீவளர்த்துச்  சூடாக்கி ஏணைகட்டியாடித் தூங்கி பயண அலுப்புக்குத் தீர்வுகண்டேன். பின் கட்டுச்சோற்றைச் சூடாக்கி உண்டு களித்துவிட்டு நண்பகல் ஒரு மணியளவில் பொடி நடைக்கு ஆயத்தமாகி காலாற அருவிகளோடு அளவளாவி ஆற்றோடும் அத்திணைகளோடும் உறவாடிவிட்டு இருப்பிடம் திரும்பினேன்

......தொடரும்

கடம்பதாசன் நினைவலைகள்

தமிழாசான் பதிவேடு விருது 2019

இவ்வாண்டு முதல் தமிழாசான் விருது தமிழ்ச்செயப்பாளருக்கு வழங்குவதாக முடிவெடுத்துள்ளோம். அதை முன்னிட்டு பத்து விருதுகள் திருவள்ளுவராண்டு ௨0௫0 (2050) 01.01.2019 அன்று வழங்கப்பட்டது.

௧) தமிழாயருக்கான விருது இரமேஸ் அவர்களுக்கு வழங்கப்பட்டது.
௨) செந்தமிழ் வாணருக்கான விருது சாந்தக்குமார் அவர்களுக்கு வழங்கப்பட்டது.
௩) சிறந்த தமிழாசியருக்கான் விருது வனிதா அவர்களுக்கு வழங்கப்பட்டது.
௪) கலைவாணருக்கான விருது சுதன் அவர்களுக்கு வழங்கப்பது.
௫) தலைக்கோல் விருதுகள்  சமந்திக்கும் சப்தகிக்கும் வழங்கப்பட்டன.
௬) தற்காப்புக்கலைர் சாதனையாளருக்கான விருது சிவகணேஷ் அவர்களுக்கு வழங்கப்பட்டது.
௭) சிகரச்செல்வருக்கான விருது தாரகன் பாவலன் கோவேரன் மூவருக்கும் வழங்கப்பட்டன.

வருகிற ஆண்டு முதலாம் நாள் 2020 விருதுக்காய் காத்திருங்கள்

நோர்வே நாடும் இயற்கையும்( Noreg og Natur )

நானிலதில் ஒன்றான குறிஞ்சி. மலையும் மலை சார்ந்த நிலனும். நோர்வே நாட்டுப் பெயர் சேர்மன் சொல்லில் இருந்து வடக்கே செல்லும் வழி என்றானது.தலை நகரம் ஓசுலோ. ஓசுலோ என்பதன் விளக்கம் வெண்படலம் அல்லது தேவதை இருப்பிடம். இங்கு தேவதைகள் மட்டுமல்ல மாந்தர் வாழத்தக்க நல் மனித நேய நாடு. இந்நாட்டின் சிறப்பு அமைதி. மலைத்தொடரைக் கொண்ட மேட்டூர்.
பார்வைக்குச் சில படங்களுடன் பயணக்குறிப்பு.

சாய்வுச்சி( Galdhøpiggen)

தழை எடுத்துத் தங்கிவிட்டு மறுநாள் காலை திறப்பை உரியவித்தே வைத்துவிட்டு உரிமையாளரிடம் அதற்கான தகவைக் கொடுத்துவிட்டு பதினொன்றரை மணியளவில் மலைக்குப் புறப்பட்டோம். நீண்ட ஊர்திப்பணம். மலையுச்சியின் உயரம் 2683 மீற்றராகும். ஊர்தியில் சென்று அங்குள்ள தழையில் தங்கி காலையிலேயே புறப்பட வேண்டும் மலையின் உச்சியைத் தொட்டு வர குறைந்தது ஒன்பது மணி நேரம் தேவை.இம்மலையின் உச்சியில் பனி சூழ்ந்துள்ளது அதனால் மலையில் ஏறுவோரின் உதவியோடே ஏறவும் வேண்டும். ஏறுவதற்குரிய அனைத்து ஏந்துகளையும் கொண்டு செல்ல வேண்டியது அகத்தியமாகும். அழகான இயற்கை. காலநிலை மாற்றத்தால் பனி உருகும் நிலை ஏற்பட்டிருப்பது கவலையே. 

கவுத்தா உச்சி (Gausthatoppen)

அத்லாந்திக்கு தீவுகளின் பாதை

(Atlantiskvei)

உச்சிவிளிம்பு (Bessenggen)

அமைதியிருக்கை

(Preikestolen)

கவிக்கோ எனும் அப்துல்ரகுமான்

அப்துல்ரகுமான்

வைகறையும்

அந்தியுமான

அழகிய

வான்

அந்த

வானை

அடைய

விண்கலமேறிச்

சென்று

கொண்டிருந்தாலும்

போய்க்கொண்டிருக்கும்

முடிவின்றி

தொடுவானமாய்

_  முட்டைவாசிகன்_

இராவண காவியம்

இருபதாம் நூற்றாண்டில் தோன்றிய ஈடிணையல்லாப் புகழ் காவியம் தான் இராவண காவியம். கம்பனிடமும் இல்லாத கலைசொல்வடிவம். ஒவ்வொரு இலக்கியமும் ஒவ்வொரு காலத்தில் புரட்சியின் அடிப்படையாய் அமைந்தவை. இருபதாம் நூற்றாண்டுப் புரட்சியிலே மலந்தது தான் இராவண காவியம்.இக்காவியத்தை இந்தியா தடை செய்துள்ளது. பார்ப்பணச்சூழ்ச்சிக்குள் சிக்குண்ட காந்தியாலும் பார்ப்பனரை எதிர்த்து ஐக்கிய இந்தியாவில் அனைத்து மக்களுக்கும் சமவுரிமை வாங்கித்தர முடியவில்லை.இந்தியச் சுதந்திரம் வெறுமனேபார்ப்பன பார்ப்பணச் சுதந்திரமே அன்றி மக்கள் சுதந்திரமன்று என்பதை உணர்ந்த பெரியார் மாற்றம் வேண்டி பெரும் புலவர் பலரைத் தேடினார் கிடைத்தது ஏனோ "உண்டதைக் கக்கும் கூட்டம் தாம்" அந்த புலவர்களியே முற்றிலும் எளிமையாய் பெயரிலும் குழந்தையாய் அமைந்த புலவர் தாம் புலவர் குழந்தை எப்பொழுது கேள்விகேட்கும் சுயமரியாதைக்காரர் தமிழகத்தில் பார்ப்பன சாதித்துவக் குப்பைக்குள் முற்றிலும் வேறுபட்ட போக்கில் ஒரு குன்றிமணி அயோத்திய தாசரை அடியொற்றிய அம்பேக்கரை சற்றுக் கவனித்தார் பெரியார் தமிழகத்தில் புத்துயிர் பிறந்தது. அப்புத்துயிர்ப்பில் பிறந்தது இராவண காவியம்.

புலவர் குழந்தையின் அவையடக்கம்

"ஏசு வார்சிலர் ஈதுண்மை யேயெனப்
பேசு வார்சிலர் பேச எதிர்மனம்
கூசு வார்சிலர் கூக்குர லார்சிலர்
மாசி லாத்தமிழ் மாக்கதை கேட்கினே!

தமிழகத்தையும் தமிழீழத்தையும் நன்கு உணர்ந்ததாலேயே இவ்வரிகள் பனுவலாய் விரிந்தது.

"ஆயிரம் முகத்தால் அகன்ற தாயினும்
பாயிரம் இல்லது பனுவல் அன்றே"
என்ற பழம் பாடலுக்கு இண்டையாய் பாயிரத்தில் அமைந்த முதல் பாடல் தமிழின் தொன்மையு தமிழர் வரலாறும் தொன்மையன்றோ

"உலகம் ஊமையா வுள்ளவக் காலையே
பலகலைப் பயன் பாங்குறத் தாங்கியே
இலகி இன்றுநான் என்னும் மொழிக்கெலாம்
தலைமையாம் தமிழ்த் தாயினைப் போற்றுவாம்"

காவிய மீள் பார்வை........

போசினியா முக்கோணக் கோபுரங்கள்

உலகில் மிக அதிசயத்தக்க கோபுரத்தை போசினிய பழங்குடி மக்கள் அமைத்துள்ளனர். இது உலகின் மிகத்தொன்மையான  சான்றாக இன்று கிடைத்துள்ளது.கீழடி தமிழகத்தின் வராலாறு போல். எகித்து பெருமிடு அறிவியல் தொன்மைபோல் சுமேரியம் மொழியியல் ஆவணம் போல் போசினியம் உலகின் மிகப்பேணவேண்டிய தொல்சான்று.

ஐங்குறுநூறு

பெருங்கடற் கரையது சிற்வெண் காக்கை
இருங்கழி  மருங்கின் அயிரை யாரும்
தண்ணந் துறைவன் தகுதி
நம்மோ டமையா தலர் தன்றே
Q
பெருங் கடல் கரை அது சிறு வெண் காக்கை
இருங் கழிடத்தே வாழும் அயிரைப் பற்றி உண்ணும்
நீர்த் துறையைக் கொண்ட தகுதித் துறைவன்
நம்மோடு அமையாது நலம் கெடுத்தலோடு
ஊர்ப்பழியும் வந்ததே

@

வாழி ஆதன் வாழி அவினி

விளைக வயலே வருக இரவலர்

எனவேட் டளே யாயே யாமே

பல்லிதழ் நீலமொடு நெய்தல் நிகர்க்கும்

தண்துறை யூரன் கேண்மை

வழிவழிச் சிறக்க எனவேட் டேமே

Q

ஆதன் என்றது குடியினையும் அவினி என்பது குடியைக் காக்கும் அரசனைக் குறிக்கும்

இக்காலம் மேதகு.தேசியத்தலைவரைக் குறிக்கும்

வாழியவே குடியே வாழியவே அரசே

வயல் வளம் சிறப்பாயாக வருக வருக இரவலரே ஐயமின்றி வருவீரே

என வேண்டுவாளே எம் அம்மைபோலும் நீல தோடுகளை விரித்து மலரும் பூத்திருக்கும் தண்துறை நெய்தல் ஊரான தலைவனுடைய நட்பானது தலைவியோடு வழிவழியாக சிறப்பதாக என நாம் வேண்டினேம்

@

புலக்குவேம் அல்லேம்; பொய்யாது உரைமோ

நலத்தகை மகளிர்க்குத் தோள்துணை யாகித்,

தலைப்பெயற் செழும்புனல் ஆடித்

தவநனி சிவந்தன, மகிழ்ந! நின் கண்ணே,

Q

அன்பும் அக்கறையும் மிகுந்த நல்ல மனைவி மனையிருக்க, புதிய புதிய பரத்தையரோடு கூடி காமம் நுகர்து மகிழ்ந்தவன் அதிகாலையிலே சிவந்த கண்களோடு வருகிறவனை வா என்பதா இனிவராதே என்பதா. நல்லற வாழ்வே அறியாதவனை ஏன் தான் எனக்கு அளி(ழி)தனையோ இறைவியே!

கலாசாரம் சீரழியும் இக்காலத்துக்கும் பொருந்துமல்லவோ!

புனல் நீராட்டு

Bjørnstjerne Bjørnson

நோர்வே நாட்டுப் பேரறிஞராவார் இவர் பெயர் பியோன்ரியான பியோன்சன் 

மனிதத்தின் பூர்வீகம்

ஆபிரிக்காவில் தொடங்கிய புலப்பெயர்வு தெற்கே அவுத்ரேலியாவரை நீண்டது.பின் அங்கிருந்து தொடங்கிய மனித குமுகம் மீண்டும் ஆபிரிக்காவுக்கு மிகப்பெரிய நாகரிக்கத்தைக் கொடுத்தது. அந்நாகரிகத்தில் இன்றளவும் அனைவராலும் ஏற்றுக்கொள்ளப்பட்ட நாகரிகம் சுமேரியம்.அந்நாகரிகமே தமிழநாகரிகம் என்பது கண்கூடு மெய்ப்பொருள் ஆய்வாளர்கள் தரும் தரவுகளை பார்ப்பம்
சங்கம் - சங்குஅம் தமிழில் விளத்தம் வலம்புரி முத்தம் (வலதுபுறமாக அமைதல் முத்தமிழின் மாண்பு)
ஆரியன் - அரிமா போன்று நடக்கும் மன்னன் அல்லது ஆண்மகன்(அரி -ஆரி-ஆரிஅன்)
காதம் -இன்றைய அளவீடு பத்து மைல்(கால் - கால்தம் - காதுஅம் -காதம்)
சன் - சனம் - ஜனம்
தமுள் - தமுஸ் (தவசி - தவுசி - தமுசி - தமுஸ் - தமுள் - தமிள் - தமிழ்) - துமுசி
அ - அம் (உம் - அம் - எம்(M))
அக - அகம் (ஆகுதல் - ஆகு - அகு - அக - அகம்)
அம்பர் - அம்பரம்
அம்மா - அம்மை
அர -அரை
அலரி -அலறு
அரளி -அரளி
அபல் -அவல்
உனமே - உலமை
கரா - கரை
கலம் -கலம்
அ -எ - ஏ - ஏய் - ஏலே - எலோ -எலேலோ
தார் - திற
நாறு -ஆறு
நாறு - நாது - நாதி - நதி
சீறு - சீறு
தரு -துரு
எல -எழு

சுமேரியத்தமிழ நாகரிகம்

முனைவர் லோகநானே மெய்ப்பொருளறிஞர்

வாழ்த்துகள்

நோர்வே நாட்டு அரசரும் தென்மார்க்கு நாட்டு பரம்பரையை சேர்ந்த

கறால் (Harald) அவர்களின் இருபத்தைந்தாண்டை தற்பொழுது கொண்டாடுகிறார். 

இருபத்தைந்தாம் ஆண்டை நிறைவு செய்த நோர்வே நாட்டு அரசரரசியருக்கு தமிழர் நாமும் நல்வாழ்த்துகளைத் தெரிவிக்கின்றோம். தென்மார்க்குப் பரம்பரையாக இருந்தாலும் நோர்வே நாட்டை செம்மையாக ஆண்டுவரும் இவர்கள் போற்றுதலுக்குரியவர். மாந்த நேயம்நேயம் மிக்க செங்கோல் அரசுதான் நீண்ட காலம் வாழும். அமைதியை விரும்பும் நாடான போதும் சில தேசியங்களை நோர்வே தான் முன்னின்று அழித்ததும் கண்கூடு ஆயினும் இவர்கள் மிகவும் நல்ல நேயத்தினர். தாம் அரசர் என்ற போக்கு அறவே அற்றவர்கள். ஒருநாள் மே 17 கொண்டாட்டத்தில் கலந்து கொண்ட போழ்து. திடீரென ஒரு உந்துருளி காவற்துறை காவலர் விரைவாக ஓடிவந்து சாலையை மறித்தார் ஆனால் எவரையும் அதட்டவில்லை இயல்பாக நின்று பார்த்தார் பின்னே இவர்களின் சொகுசுந்து வருவதைக் குடுப்பத்தோடு பார்த்தோம்.அவர்கள் எங்களைப்பார்த்து சிரித்துக் கைகாட்டிக்கொண்டு சென்றனர்.நாமும் பதிலுக்குக் கைகாட்டினோம்.அப்படி ஒரு இயல்பான குடும்பத்தினர்.

இலக்கணம்

பொங்கலோ பொங்கல்

சிறைப்பட்டோர் மீண்டுவர
குறைப்பட்டோர் தெளிந்துவர
உறைபடுத்த போர்வாள்
உறைகழற்றி மீண்டும்வர
திறல்காளைகள்  திமிராட
அறத்துக்காய் மறமோங்க
அடுப்பிலே ஏற்றுவோம்
புதுப்பானை அதிலே
ஊற்றுவோம் ஆவின்பாலை
நம்மாழ்வார் நம்தலைவர்
போற்றி பாடி வரவேற்போம்
பொங்கலோ பொங்கல்

"மஞ்சு விரட்டு"

கலித்தொகையில் முல்லைக்கலியில் சல்லிக்கட்டு என்ற விளையாட்டு பற்றிக்கூறியுள்ளது உவப்புக்குரியது. நல்லுருத்துவச் சோழன் முல்லைத்திணையை நன்கு ஆய்வு செய்து எழுதியுள்ளார். நல்லந்துவனார் கலித்தொகையில் தொகுத்துள்ளார். தமிழரின் வீரவிளையாட்டுகளில் மஞ்சு விரட்டு முக்கிய விளையாட்டாகும். தமிழர்கள் உலகுக்கு அறிமுகப்படுத்திய தொன்மைமிக்க விளையாட்டு .கரப்பா கல்வெட்டுகள் மிகத் திறன்பட காட்டுவது சல்லிக்காளையைத்தான்.
முல்லையில் கொடிய விலங்குகளில் இருந்து பெரும்பாலும் புலியிடமிருந்து காக்க காளையில் வீரம் பார்ப்பார். காளையை அடக்கும் தமிழ்க்காளையையே தமிழ்ப்பெண்டிருக்கு வதுவை செய்து கொடுப்பர்.

"கொல்லேற்றுக் கோடஞ்சுவானை மறுமையும்
புல்லாளே ஆய மகள்"

அதாவது காளையின் கொம்புக்கு அச்சம் கொள்பவனை ஆயமகள் கணவனாக ஏற்கமாட்டாள் என்கிறது இச்செய்யுள்.

ஏறு தழுவுவதற்கு முன் நீர்த்துறைகளிலும் மரத்தடிகளிலும் உள்ள தெய்வங்களை வழிபட்ட பின் தொழுவிற் கூடுவர். தொழுவென்பது காளையடக்கும் இடத்தைக் குறிக்கும். ஏறுகள் விளையாட்டுக்கு அணியமாக நிற்கும். அவற்றின் கொம்புகள் கூர்மையுடைய கணிச்சி என்ற படை போன்று விளங்கும். இச்சல்லிக்கட்டு (சல்லியைக் கட்டுதல்) பின்னாளில் ஜல்லிக்கட்டென மருவிற்று. சுப்புரமணியம் போன்று வாயால் வீரவிளையாட்டு புரியும் பார்ப்பார்க்குத் தெரியுமே தமிழர் வீரவிளையாட்டின் மகிமை?

கலித்தொகை

தொல்காப்பியம் நீண்ட நெடித்த மாந்தனியலைக் கற்பிக்கும் நூல் திருக்குறளும் தொல்காப்பியமும் அறனை முன்னிறுத்தும் தமிழகம் ஈய்ந்த பெட்டகங்கள். முன்னையது வாழ்வை இயம்பிய நூல் இரண்டாவது வாழ்வை நெறிப்படித்திய நூல் இரண்டும் இலக்கண இலக்கிய நூல்களே! இவ்விரண்டும் உலகம் சார்ந்து உலக மக்களை முன்னிறுத்தி தமிழில் அமைக்கப்பட்டவை இவ்விரண்டும் வழிநூல்களே அல்லது தொகுப்பு நூல்களே என்று உற்றறிந்து கொள்க.இவ்விரண்டு நூல்களுக்கும் கருத்தியலில் நிறையவே ஒப்புமை உண்டு."முந்து நூல் முனைவர் கண்டவாறு".நாட்டார் பாடல்கள் உரைகள் கதைகள் பின் இது இப்படித்தான் நிகழும் என்றும் தொன்மைக்காதைகளால் மக்கள் வாழ்கை இலக்கியமாவதை ஆபிக்க குரங்கு காட்டுமிராண்டி மனித விலங்குகளில் இருந்து நாகு(நாகர்) எனப்பட்ட மாந்தர் அறிவு மாந்தராய் வலுப்பெற்றனர் எனலாம். ஓரிலக்கம் - பத்தாயிரம் - ஆயிரம் - நூறு என ஆண்டுகள் வளர்ச்சி பெற்று வள்ளுவருக்குப் பின் கரணத்தில் வாயிலாக வாழ்க்கை நெறிப்பட்டது. வள்ளுவம் - தொல்காபியம் - சிலப்பு என கற்பியல் பேணப்பட்டது தமிழர் குமுகாயத்தில் தான். வாழ்க்கை என்பது பொருண்மியம் அந்த பொருண்மியத்தைக் காக்க போராடும் திண்ணம் அதனால் ஏற்படும் கலி. ஒரு வாழ்க்கைத் திருத்தத்தையே காட்டிநிற்கிறது.

இனி கலிபற்றி தொல் காப்பு இயம் கூறுவதைப் பார்ப்போம்

துள்ளல் ஓசை கலியென மொழிப

கலித்தளை யடிவயின் நேரீற் றியற்சீர்
நிலைக்குரிய தன்றே தெரியு மோர்க்கே

அளவடி மிகுதி யுளப்படத் தோன்றி
இருநெடில் அடியுங் கலியிற் குரிய

எழுசீர் இறுதி யாசிரியங் கலியே

ஒத்தா ழிசைக்கலி கலிவெண் பாட்டே
கொச்சகம் உறழோடு கலிநால் வகைத்தே

கலித்தொகையைத் தொகுத்தவர் மதிரை நல்லந்துவனார் . 

இவர் நல்லந்துவனார்  யார்? நல்லந்துவனார்  பிறப்பால் அந்தணர்(அம்+தண்+அர்) வசிட்டர் போன்றவரின் தண்மை போன்றே நீரின் குணத்தை ஒத்தவர்.

 "நல்லந்துவன் நெய்தல் கல்விவலார் கண்ட கலி"

 "கற்றறிந்தார் ஏத்தும் கலி"

மதுரை ஆச்சரியர் நல்லந்துவனார் கலித்தொகையை தொகுப்பதன் நோக்கம் என்ன? ஏன் இந்நூலைத் தொகுக்க வேண்டும். தொகுப்பதனால் ஏற்படும் விளைவுகள் எவை?

கலித்தொகைக்கு உரை எழுத்திவர் பேராசான் நச்சினிக்கினியர்

முனைவர் நல்லந்துவனார் மால் பத்தர். பின்னையவர் சிவபத்தர் அல்லது வேதபத்தர். மால் வழிபாடு ஆகமத்திலும் சிவ வழிபாடு வேதத்திலும் நிறைந்தன. பெண்ணை வழிபடுதல் கங்கைக்கு இப்பாலும் ஆணை வழிபடுதல் கங்கைக்கு அப்பாலும் காணலாம். திரு பெண்ணைக் குறித்ததும் பெரு ஆணைக்குறித்தலும் மரபு. பின்பு உள்ள காலத்தில் திரு ஆணையும் குறித்தது.பெரு, திரு இரண்டும் இணைந்து பெரியோன் திரு என்றாகி திருமான் திருமால் என்றழைக்கப்பட்டான்.வீற்றியிருப்பவன் - வீற்றினன் - விட்ணன் - விஷ்ணன் - விஷ்ணு என்றைக்கப்பட்டான். பாற்கடலில் வீற்றியிருப்பவன் அதாவது பால் மண்டலத்தில் வீற்றினன்.சிவனுக்கும் பெரியோய் சிவனையும் இயக்குபவன். சிவனின்றி சத்தியில்லை சத்தியின்றி சிவனுமல்ல. இதிகாயத்தின் தொடக்கமும் இதுவே!இவையின்றி உலமும் இயங்குவது அரிதே!
அகர முதல எழுத்தெல்லாம் மாதி
பகவன் முதற்றே வுலகு

வள்ளுவருக்கு பரிமேலழகர் நல்லந்துவனாருக்கு நச்சினாக்கினியர்.

வள்ளுவருக்கு நல்லந்துவனார்

கலித்தொகையை  எடுத்தாள்வதற்குரிய கரணியம்
கலியே வாழ்க்கை

1)பெண்ணியம் பாராட்டுதல்
2)தோழமை பாராட்டுதல்
3)மூத்தோரைப் பாராட்டுதல்
3)குடும்பம் பாராட்டுதல்
4)மாந்த நேயம் பாராட்டுதல்
5)உறுதி பாராட்டுதல்
6)சுற்றந்தாழால் பாராட்டுதல்
7)ஆண்மை பாராட்டுதல்
8)தம்மைப் பாராட்டுதல்
9)மரபு பாராட்டுதல்

கடவுள் வழுத்து  1

ஆறறி அந்தணர்க்கு அருமறை பலபகர்ந்து

தேறுநீர் சடைக்கரந்து திரிபுரம் தீமடுத்துக்

கூறாமல் குறித்ததன் மேல்செல்லும் கடுங்கூளி

மாறப்போர் மணிமிடற்று எண்கையாய் கேளினி

படுபறை பலவியம்ப பல்லுருவம் பெயர்த்துநீ 

கொடுகொட்டி ஆடுங்கால் கோடுய ரகலல்குல்

கொடிபுரை நுசும்பினாள் கொண்டசீர் தருவாளோ

மண்டமர் பலகடந்து மதுகையால் நீறணிந்து

பண்டரங்கம் ஆடுங்கால் பணையெழில் அணைமென்றோள்

வண்டரற்றும் கூந்ததாள் வளர்தூக்குத் தருவாளோ

கொலையுழுவைத் தோலசைஇ கொன்றைத்தார் சுவற்புரள

தலையங்கை கொண்டுநீ காபாலம் ஆடுங்கால்

முலையணிந்த முறுவலாள் முன்பாணி தருவாளோ

எனவாங்கு

பாணியும் தூக்கும் சீரும் என்றிவை

மாணிழை அரிவை காப்ப

ஆணமில் பொருளெமக்கு அமர்ந்தனை யாடி(1)

தரவு

ஆறறி அந்தணர்க்கு 

இறைவ!

ஆறு உறுப்புகளையும் அறியும் அந்தணர்க்கு,

நிருத்தம், வியாகரணம், கற்பகங்கள், கணிதம், பிரமம், சந்தம் இவ்வாறையும் அறியும் அந்தணர்

அந்தணர்

அழகிய கருணையை உடையவ

நிருத்தம்

உலகியல் சொல்லை ஒழித்து வைதிகச் சொல்லை ஆராய்வது.

வியாகரணம்

உலகியல் சொல்லையும் வைதிகச் சொல்லையும் ஆராயும் ஐந்திரம் முதலியவை

கற்பகங்கள்

பாரத்துவாசம், பரமார்த்தம், பரமாத்திரையம் முதலியவை.

கணிதம்

நாராயணீயம்,வராகம் முதலியவை

சந்தம்

எழுத்தாராய்ச்சியாகிய பிரமும் செய்யுள் இலக்கணமும்.

அருமறை பலபகர்ந்து

அரிவையான மறைகள் பலவற்றையும் நீ அருளினாய்.

தேறுநீர் சடைக்கரந்து திரிபுரம் தீமடுத்துக்

தெளிந்த நீரையுடைய கங்கையின் விரைவை அடக்கி அதனைச் சடையின் ஒரு பகுதியில் அடக்கினாய். மூன்று புரங்களில் தீயைச் செலுத்தினாய்

கூறாமல் குறித்ததன் மேல்செல்லும் கடுங்கூளி

மனத்தினால் எண்ணும் பொருளுக்கும் எட்டாமல் நிற்கும் கடிதான கூனியின் முதுகிடாத போரை உடையாய்.

மாறப்போர் மணிமிடற்று எண்கையாய் கேளினி

நீலமணி போன்ற கரிய கழுத்தை உடையாய். எட்டுத்தோள்களை உடையாய்.

இங்ஙனம் கண்ணுக்குப் புலனாய் நின்று இப்போது யான் கூறும் இதனையும் கேட்டருள்வாயாக.

தாழிசை

படுபறை பலவியம்ப பல்லுருவம் பெயர்த்துநீ 

(பேரொலி எழுப்பக்கூடிய நின் திருக்கைகளிலே இருக்கின்ற) பலபறை வாச்சியங்களையும் ஒலிக்கும் நீ கண்ணுக்குப்புலனாய்ப் பல வடிவங்களையும் மீண்டும் நின் திருவுருவிடத்தே அடக்கிக்கொள்கிறாய்

கொடுகொட்டி ஆடுங்கால் கோடுய ரகலல்குல்

கொடுமையான கொட்டி என்ற கூத்தை நீ ஆடினாய். ஆடிம் அக்காலத்தில் பக்கத்தில் இருக்கக் கூடிய மலைகள் போன்று உயந்துள்ள தோள்களையுடைய(அல்குல்-அது)

கொடிபுரை நுசும்பினாள் கொண்டசீர் தருவாளோ

கொடிபோன்ற இடையையுடைய உமையவளோ தாளம் முடித்துவிடும் காலத்தைத் தன்னிடம் பொருந்துய சீரைத் தருவாள்?(அவளே அளித்தருள் வேண்டும் ஏனென்றால் அங்கு வேறு ஒருவர் இல்லையே!)

தொடரும்.........

.