(சிங்களக் கவிஞர் மஞ்சுள வெடிவர்த்தன எழுதியது - நன்றி காலச்சுவடு)
சிறு நிலா
சிறு நிலாவா?
அதைச் சொல்லவும்கூடுமோ?
பத்துத் திக்கும் சுடரொளி வீசிய
சூரியனைக் கொன்றது சிங்கம்
தாய்நிலத்தைச் சூழ்ந்த குருதியால்
சுவரோவியங்கள் வரையப்படுகின்றன
சினத்துடன் சிங்கம்
சிறிய நிலாவையும் கொன்றபோது
முகில்களின் திரையைக் கிழித்து
உள்ளே ஒளிந்தது நிலா
பயத்தில்
ஒடுங்கின நட்சத்திரங்கள்
இருளின் சஞ்சாரம்
நிலா சூரியனாக மாறுகிற ஒரு நாள் வரும்
அப்போது
எங்களுக்கு ஒளிவதற்கும் இடம் கிடையாது.
நன்றி.
இடுகைகள்
கருத்துகள் இல்லை:
கருத்துரையிடுக